Página — Lenguas Originarias PRIMARIA (pág. 19)

Wari suyu munaychakusqan kawsayninmanta willakunchik

ay pacha unanchasqa kaptillanraqmi Pachakamaq taytanchik, rumimanta runakunata unancharqa. Kaykunaqa ancha hatunkaraymi karqaku, tumpa sampayasqa upa ichiyniyuq. Llumpay piñasqalla sunquyuq, awqanakuyllapi puriqku. Manam haykapipas chaskinakuytaqa tariqkuchu. Kay maqanakuyninkuqa ancha taqmanakuytam apamuq, makinkuwanmi qaqakunata hapispanku chanqakuqku.Chaykunata hapispataq watasqa sirkan urqukunata amachakunankupaq ruraqku,chaypi awqankupas mana puriy atinankupaq.Kawsakuyninkuqa manas imapaqpas yanapakusqachu, paykuna mana kawsaykuna ruruchiyta, manataq uywa uywaytapas yachasqankupi.

Pachakamaqsi hukmanyasqa runa rurasqanwan kasqa, mayhinaña hawkayayman pusaptinpas,manas uyarisqakuchu aswansi unanchaqninta kutiparqusqaku. Chayhinam wayqukunapi qayakuywan huñurquspan, chaypi kaynata kamachirqa: Haykatam munarqani qamkunamanta huk llampu sunqu rurayta, aswanqa rumi sunqullata tarini, hinaspa hamutaq umakunata maskaspa ichaqa qaqahina tirqi umakunallata tarini. Chayraykum suni pacha puñunkichik, Pachakutiq kutirqamuspan, qipaq aylluykichikpa muchuy pachanpi rikchachisunaykichikkama-Kayta nispanmi mallkipi wañusqatahina runakunata rumiman tikrachirqa.

Paykunas awqanakusqankupi suyunchikkunapi urqun qasan sirkakunata, wayqunkunata,pampankunatapas anti suyupi rurasqaku. Kunankaman Pachakutiqta suyaspanku puñuchkanku.Paykunataqa tarinchik Pawkaraypi, Parqukunapipas, waranqantinmi kanku...

17