Página — Lenguas Originarias PRIMARIA (pág. 5)

Riqsichikuynin

Kuyasqa warmi qari warmakuna:

Qampaqmi kay qillqasqa maytuqa. Kaywanmi yachay wasiykipi pukllaqhinalla utqayllaman yachayniykikunata takyachinkichik. Kay qillqakunatam kawsakuyninchik riqsiq, kuyaq yachachiqkunawan qillqamuniku, aswan kawsakuyninchikta yachachiqniykichipa. Hinallataq tayta mamaykichikpa yanapakuyninwan riqsipanaykichikpaq.

Qillqasqa maytupi ruraykunaqa llaqtaykipa kawsakuyninta,imayna kasqankunatawanmi riqsichisunki. Hinallataqmi allin kikin simiykipi rimanaykipaq qillqanaykipaq yanapasunki.Aylluykikuna allin qawanaykipaqpas PachaMamata sumaqta waqaychanaykipaqpas allinmi kanqa. Hinallataqmi runa masiykikunawan, wasi masiykikunawan, yachakuq masiykikunawan, llaqta masiykikunawan hawkalla kawsakunaykipaqpas yanapasunki. Kay qillqasqakunawanqa kusisqallam imatapas yachasun. Kallpasapam sapa punchaw kikinchikpa siminchikpi ñawinchasun.

Sumaq sunqullawan qallaykuspaqa allinmi purisunchik.Nawichayta yacharquptinchikqa manam pipas qipachawasunñachu. Manañam ñawsahinañachu purisunchik.

jKusi kusilla, kuyakuywan rimanakustin ñawinchay!

Yachay Kamayuq