Página — Lenguas Originarias PRIMARIA (pág. 6)

Anqara suyu paqarisqan kawsayninmanta willakusqanchik Purun runakuna

anaraq Awya Yallapi hatun suyu ayllukuna kasqanpiraqmi, runakuna Asia sutiyuq pacha suyukunamanta kawsayta maskaspa ichimurqaku.

Chay runakunaqa manas allin ayllu takyasqapichu kawsaqku, manataq llaqtakunapi huñunasqachu karqaku. Sallqa runakuna kaspa wasi ruraytapas mana yachasqakuchu,machaykunallapis tiyaqku,chaypas chaypi mikuy kanankamalla. Paykunaqa manam tarpuytaqa riqsisqakuchu,manataq uywakuna uywaytapas hinas nina ratachiytapas atisqakuraqchu. Mana tarpusqa kawsaykunallata tarisqanta

malliykuspa mikuqku. Uywakunatapas chaqurquspanku wañuchispa chawallata mikuqku, hinataq challwakunatapas makillawanhina hapispa mikuqku.

Mikuy kanankamallam maypipas tiyaqku, mikuy tukurquptin huk kawsay kasqan pachakunaman rispa mitmaqlla karqaku. Pacha risqanman hinaqa runakuna yachayta, yuyayta tarirqaku, chaymi qinchapi tarpuyta, hinataq wasi tiqsikuytapas yacharqaku. Nina ratachiyta yacharquspa manaña chawa mikuytaqa mikurqakuñachu, uywakunata akllaspanku kanchapi wasi ukunpipas uywarqaku.