Página — Lenguas Originarias PRIMARIA (pág. 7)

Chay tiyasqankunamantam Anqara suyupi purisqankumanta machaykunapi llimpisqanku kan,ima chikimantapas amachakunanku rayku aylluhina huñunakurqaku.Pacha risqanmanhinañataq achkata miraspanku, achka chaqwakuna kasqanpi, kamachikuqkunata Churanakurqaku. Paykunam ayllupi kasqanta siqiman churaspam musuq llaqta ayllukunata paqarichirqaku,chaypi wasikunatapas huñullapina tiyachirqaku.

KARAL

Runakuna huñunakuyta qallariptinmi llaqtachakunapina huñunakurqaku,chaymi kay Karal nisqan:

Maypi kasqan, kay huñunakuy llaqta Perú mama suyu ukun chalapim

paqarirqa, Lima suyu patmapi, Supe,

Barranca nisqan pampakunapi paqarirqa. Karalqa tiqsi muyuntinpi kasqan hatun llaqtakunapa wiñay masinmi, kaykunam Mesopotamia, India, China Egipto nisqan, paqarisqanku pacham qispikurqa. Aqu pampakunapa chawpinpi, mana ima chikipas aparqunanmanta muqu hawankunapi tiqsisqa karqa, Limapa qunti suyunpi munaychakurqa. Chaymantam huk llaqtakunawan chalanakuypaq, llankikuypaq churasqa karqa.

Imahina tarisqa, runakunapa ñawinmanta pakasqahina. Chayraqmi I995 watakunapi tiqsi muyuntinman rikuchirqaku. Llaqtaqa rumikunawan, sachakunapa kullunkunawan tiqsiqam karqa,chayqa muyuriqninta mana allinpi tarichinanraykum sumaqlla rurasqa karqa. Kunanqa tiqsi muyupa Unesco nisqanpa waqaychananpaqmi churasqa kachkan.