Página — Lenguas Originarias PRIMARIA (pág. 8)

May pacha kawsayniyuq, Karal llaqtaqa yaqa 5ooo Cristupa ñawpan watapim paqarirqa. Chaymantaqa achka watam yaqa 3ooo Cristo hamunan ñawpaq watakunakama tiyarqa, qipataqa purmakusqanpi ukunpi kawsaq runakunaqa huk suyukunamanña hukllawakurqaku.

Imakunatam qipawanchik, Karal llaqtaqa yaqa suqta chuqu tiqsisqa muqukunatam qipawanchik.Chaypim wasikuna, muyu kusi kanchakuna, patakuna,ñankunapas kan, wakinpiqa kawsay uywaypaq, challwanapaq,awanapaq llamkanakuna, takiy mirachiq kunturpa, pelicano nisqan tullunkunamanta pinkullu rurasqankunapas kantaq. Karal llaqtapi kaq runakunaqa ancha yachayniyuqmi karqaku, manaraq huk suyukunapi uywasqanku yachaykunatam paykunaqa yacharqakuña yaqa l800watapihinam wakin llaqtakunata yachayninkunapi ñawparqaku.

Kawsay uyway yachayninkuna,kayqa yaku uyway yachaywan kuskam karqa. Chaymi achka

yarqakunata kichaspa mayukunamanta yakuta llaqtankukama aparqaku. Tarpusqanku muyapi allin parquy yachaspanku, aquta aspispa pukullukunapi tarpurqankutaq.


6