Página — Multiples Lenguajes 5° Primaria (pág. 177)

Ra Kue'e

Versión Tu'un Saui(Mixteco dela Costa, Oaxaca)

Chaakoo tu ra'ya tra inga tiempu uni tu ratra cha yanira na chito ratra naa cha'a chii niui nu nu'u nuniuiya ta naa kucha cha'ni chini an yoora kura cha'ni chini tani.Naku chi'i niui?,na keta cha chini tuni xiniratra ti.

In cha'a in na ma'a cha'nu ni kati uati na kaka ratra ku'unra iti ka'nu uati ikan ua nani'i ratra chi in ra tata cha'nu ra'ya kura ua kati ndaa kucha io ra kuu kue'e ti. Kua'a chika tra tasa kuu cha nde'e ratra chira chani'iya ta ra'ya ni kati: "Nda ndakan, ndanu nde'o ndanu kani xaan nda ndakan, ndanu inda yutu ka'nu xaangan cha taa maachi tu'unchi, ikan ua nani'indo chira kuu kueegan. Ikan iora" katira chani'iya chi ratra ti.

Nduni ta'an ratra ni kuyaa, uati si uiti ndicha ua kuu nakoto tra chira kuu kue'eya ta ua kuu ka'niratra chira i'a, takan naua kuiga nivi nu nu'uya.

Ora ni keta ratra cha'a yutu uatiya, io ni ta'a ratra uati nde'e ratra cha kuuchi in yutu chicha ka'nu xaan cha ndaua nda nu nu'u kaa sokochi.

176