Página — Multiples Lenguajes 5° Primaria (pág. 178)

Nu keta tra cha'a maa yutu uatiya nde'e ratra soko mamani xu'un kuan, cha kuu xu'un ua'aya cha kuu xu'un kuichiya ioi'a ti.

Nu nde'e ratra cha na'ni cha kuu kue'eyaio cha'aya, uiu su'a kaa, ni kicha'a nata'uiratra xu'unya.

Soko kati xi'na tra, uati na ku'un maara yani lu'ugaya uati kusatara ndayu kachiratra.

Kee maa ra lu'ugaya ta kua'ara ta kuu cha satara uni nduta uichi, inchi uiu kaa ta uichi kini kaa indi cha naua'achi. Vati kicha'a saxini ta'an tu maa ra lu'uya kuenda cha ua nata'vi maa xu'unya uati si na ndoora ua'a cha ku'a cha ka'an maara yani chani'iya, maa ra lu'ugaya iochi cha ta'an ndii kuichixu'unya ti.

Soko maru yani chani'iya taru, cha saxini ta'an tu maa taru ku'a chaua saua'a taru chi mara ra lu'ugaya.

Takan kuu uati orani ni keta maara lu'ugaya, tiin dui ta'an maaru yani chani'iya taru chira ta kuu cha cha'ni taru chi maa ra lu'uya; ta vati si maaru ra lu'ugaya cha ndiso ta'an tu maaru ndui maa nduta uixi kini kaaya, chi'i maa ru ra chanii ya taru chi ta ni saua'achi kue'e chi taru tani chi'i taru ti.

Kuu cha nduni ta'an maara kuatiya ni chii cha kati xu'unya i'a.Chakan kucha ni kati maara chanii ni ta'an ta'an taru iti uati:"Nda ndakan ndanu nde'o ndanu kani xaan nda ndakan, ndanu inda yutu chichagan ndakan, cha taa maachi tu'unchi; ikan ua nani'indo chira kuu kue'e"katira chi taru ti.

177