Página — Lenguas Originarias PRIMARIA (pág. 13)

Imahinapim runakuna Chuqlluquchamanta lluqsimurqaku; Karalpi kawsaq runakuna pacha muchuy qukusqanpi. Kawsayta maskaspanku mayu wayqunkunata qatispanku anti suyuman qispimurqaku.

Allin kawsayta tarispañataq ayllun ayllun muyuriqninkunapi tiyarqaku. Pacha risqanmanhinaqa runaqa mirakuspan anchayarqaku,hinaspa manaña kawsaypaq allinñachu kaq. Chayrayku mayukunapa wayqunkunata qatipaspanku aswan qichwaman, yunkamanpas chayarqaku.

Chuqlluquchapi chay pacha tiyaqkuna kikin mama quchatam mamachakurqaku.Chaymi paypaq ima haywarikuytapas rurapuqku, kunankamapas chay ayllukunamantapas qawarinkuraqmi hinaspa imapaqpas kunakunkuraq.

Chuqlluquchamanta ayllu paqarimuqkuna; Nawpa

taytanchikkunapa willakusqanmi kayhina: Chuqlluquchapi tiyaqkuna muchuypi tarikuspanku, mana awqanakuypi kanankurayku, ayllun ayllun rakinakunankupaq rimanakurqaku. Chaymi raqranta Pampas mayupa wayqunta Chanka sutiyuq ayllukuna qichwaman, yunkaman uraykamurqaku,qichqanta Kachi mayunta, Apurimaq mayunta Wari ayllukuna, anti sallqa wasankunaman Kancha Kancha, Chuschi, Qana ayllukuna, pallqan qichwankunapi Puqra ayllukuna Anqu patmakama uraykamuspa qipakurqaku. Sikra, Upamayu wayqunta Chakas Anqarakuna uraykamurqaku,Ichu mayu wayqunta Astu Anqara ayllukuna. Hatun mayunta Qarwaq ayllukuna, San Juan nisqan mayunta Chukurpus ayllukuna chala niqman uraykamurqaku, Tikrapu mayunta Uranmarkakuna,

11