Página — Lenguas Originarias PRIMARIA (pág. 17)

Warikunaqa Qulla Tiyawanakukuna apamusqan Wiraqucha apuntam ñawpaqpi churarqaku.Hinataq hichpankunapi kaq apukunatapas yupaychaqku, Rasu willka, Pachakamaq, Qarwa Rasu,Waman Rasu, hinaspapas wakin suyukunapa apunkunatapas yupaychakuywanmi qawariqku.Manam llaqtakunapa iniynimantaqa michakuqkuchu, hinalla mamaqucha paqarikunamantapas yuyachasqanku karqataq.

Manam hinallaqa mastarikuytaqa atinmankuchu karqa. Chaymi sinchinkuna, wallankunapas karqa allin siqinchasqa chupqapi karqaku, paykunawanmi awqanakuypiqa may llaqtatapas maqanakuypi llallispa munaychakuqku.Paykuna hatun kamachikuqkunapa nisqanta uyarispanku kasqanta ruraqku, runakuna amachaypi,llamkaykunapi qawariypi, imapas yachaykuna mirachisqankuta watukuspa puriqku.

YACHAYNINKUNA

Warikunaqa achka

yachaykunatam waqaychaqku chaymi hatunyarqaku. Paykunam llapan suyukunaman chayaq hatun ñankuna pirqaspanku, sumaq

kallkichasqata, purinankupas mastarqaku. Tiyanankupaq wasikunatapas rumiwan, mituwan hapichispa tiqsirqaku. Chaypim kaq iniy wasinku, kamachikuy wasikuna, runa tiyanan wasikuna,kusi kanchakuna, yaku apananku yarqakuna.

15