Página — Lenguas Originarias PRIMARIA (pág. 15)

Wari suyu munaychakusqan kawsayninmanta willakunchik

W arikunaqa paqarimurqaku Chuqlluqucha paqarinamantam,chaymi muchuy pacha kaptin Kachi mayu, Ponqura, Pampas,wayqunkunatakama uraykamuspanku Laramati, Chuschi, Paqcha siqllakunaman chayaspa Wamanqa pampakunaman hukwasqaku. Sallqan,qichwa pampakunapi chiqikurqaku.Chaypim Wari kasqan allpakunapi tiyarqaku. Chaymanta, hatun aylluman tikrakuspanku, ñawpa wawqin ayllukunawan kuskachakuspanku hatun suyuta qispichirqaku.

Wakin Rasuwillka apupa qipan yunka qichqanmanta hamuqkunawanpas hukllawakurqaku. Chaypiñam hatun kamachikuqkunata churaspanku aylluchakusqan allpakunapi munaychakurqaku. Hina qipantaqa

aswan huk kawsayniyuq ayllukunamanpas mastarikurqa. Chaymi yachayninkuta aparikuspanku,wakinpi awqanakuspa huk llaqtakunata kamachikuyninman churarqaku. Chayna kastilla simipi "Imperio Wari”nisqanwan riqsisqa karqa.

Hatun ayllunkunaqa qallriyninpi paqarinanmanta kuska puriqkunam karqaku. Chaymantañam huk suyu ayllukunawan kuskachakuspanku hatun llaqtakunata paqarichirqaku. Warikunaqa manam Wamanqa muyuriqllanpichu tiyarqaku, aswanmi anchata wallankunawan awqanakuspa, achkan suyukunata llalirquspanku chaykunapi munaychakurqaku.

13