Página — Lenguas Originarias PRIMARIA (pág. 16)

Chawpin Warimanta qallarispam Chala suyukunaman mastarikurqaku, Pachakamaqman, Ika pampakunapi, Suqus, Wiñaki, Pukinakunapa kasqan Moquegua allpakunapi, Anqas willka suyukunapi, Willkawayin, Wamachuku, Wamachuku marka, Wiraquchapampa, la Libertad

nisqan allpakunapi, Pikillaqta Qusqu suyukunapi, Kahamarka hichpankunapipas, hinataq Sikan Lambayeque patmakunapipas karqaku.Karqataq wankakunapa hichpanpi Wariwillkakama munaychakusqanku.Qulla suyukunapipas karqaku imahinama Tiyaqwanaku ayllukunawan kuska purisqanku rayku.

Warikunapa kamasqankunaqa ancha hatunmi karqa ichaqa Ilumpay hatun kasqanpi, qipataqa sapakama ayllukuna wiñasqankupi,huqarikuspa kamachikusqanmanta sapaqchakurqaku.

WARIKUNAPALLAQTANKUNA;Warikunapa hatun llaqtankunaqa achkam, may suyu hapisqankupim huñullapi llaqtakunata tiqsiqku, chayqa mana sasallawan kamachinankurayku.

Wakin riqsisqakunam, chawpin Wari llaqta, Pachakamaq, Wiraquchapampa, Wariwillka, Pikillaqta,Wamachuku Marka, Willkawayin, Waka Pukllana, Suqus, Unquq Pampa, Chimu Qapaq, Suqus,Maymi, Pacheco, Atarku, Asaqaru, Quchupata, Qaqanpata, Kusiqawana, Palestina, Qinqamuqu,Qullqan Urqu, Supaypampa (Vilcabamba). Kaykunaqa hatun kasqallankunam, sapa kitipim achka uña llaqtachakunapas karqaku.


14