Página — Lenguas Originarias PRIMARIA (pág. 31)

Inkakunawan awqanakuypi llallirqachikuspaqa manam Anqarakunaqa sapallankuñachu kawsarqaku, aswan piña ayllunkuna kasqankurayku, chiqichisqa karqaku. Mitmawan allpanku saqisqankumanmi, mana purmakunanpaq huk suyukunamanta, huk simiyuq, huk kawsayniyuq runa mitmaqkunata aylluntinkunata inkakunaqa churamuwarqanchik. Chayqa runakuna mana riqsinakusqanpi, mana llaqtakuna huqarikunankupaq churasqa karqa.

Chaymi aswan Chakas Anqara muyuriqninpi, Astukunapipas mitmaqkuna churasqa karqaku.Ecuador maman suyumanta mitmaqkunam Kayampis, Tallan nisqan ayllukuna, Chachapoyas nisqan kitimanta Chachaskuna karqaku, paykuna yuraq qara rikchayniyuq karqaku, Cajamarca patma suyumanta Kahamarkakuna, Huanucomanta kasqan Yaru Willka, Chuparu, Wanukukuna.Huarochirimanta Yarukuna, Qusqumanta Kiswarkuna, Qiwarkuna, Qanaskuna paykuna Astu Anqarakunawan kuska tiyarqaku. Huk patapinataq Chakas Anqarakunawan karqaku,Ancashmanta Kunchuku, Wayliskuna, Qallankuna, Qullasuymanta, Wachaka, Warakakuna, Wasku,Apurimaqmanta Chankakuna, Qusqumanta Inkakuna, Antakuna, Warukuna, Cajamarcamanta Wanchakukuna, Ecuadormanta Mayupampakuna, Kitukuna, Chinchakunapas, Yawyus,hukkunapiwan. Kay mitmaqkunawanmi pacha risqanpiqa chulla simillataña rimanchik, ichaqa yaqa pachakuyllanpi utaq imapas rurasqankunapi huk kawsayniyuq kanchik. Kay mitmakunamantam kunan Chupqa runakunapas huñullaña llaqtahina riqsichikunku.

29

●>>