Página — Lenguas Originarias PRIMARIA (pág. 34)

mirachiypi llamkasqaku. Chaymansi huk punchaw lliki pachayuq, mana siquyuq, saprasapa machucha kaspi tawnayuq chayarqusqa. Nawpata chaypi kaq apu runapa wasinman chayasqa. Machuqa yarqaymanta, yakunayasqa, pisipasqa, runapa punkunta achka kuti takasqa, chaypis punkuta kichaspan tapusqa:

— Imatam munanki yaw machu, machuqa -As yakuchaykita, mikuytawan quchaykullaway- nispan mañakusqa. Runaqa —jManam imapas kanchu machu, qayllaymanta ripuway!-nisqa, hinaspan punkunta wichqakusqa.

Machuqa llakisqallañas karunchakuspa, llaqtapi kaq wasikunaman asuykusqa, manas imatapas tarinchu, llapankus punkunkuta qayllanpi wichqarquqku. Pisipasqa ripukunanpaqña kachkaptin,chukllamanta illakuqta huk qari churiyuq aylluta qawaspa, qaparispan qayakusqa:—isuyaykullawaychik!, utqayman samaynin chinkasqaña taripasqa, chaypi mikuyta yakutapas mañakun. Ayllu taytaqa mikuy apamunanpaq churinta kamachin, achkata aparqamuptinñataq machuqa mikuyta munanñachu. Aswansi qinchankupi kaq waytachata mañakun, warma aswan sumaqninta aparqamuptin quykusqaku.

Machucha kuyakuymanta chikimanta aylluta willasqa: Churiykuna, hichpallamantam kaypi ancha pacha qapariy kanqa. Aswan karunchakuychik manam imaraykupas qawaq kutirinkichikchu— nisqa.Puriykuchkaptinkus hatun pacha qaparikuyta uyarinku. Willasqaña kaspa mana kutirirqakuchu,aswansi karunchakusqaku. Chaynas apu runa wakin mana allin masintinkuna kayta uyarispa wasinkumanta lluqsispanku llaqta quchaman tikrakusqanta qawarisqaku. Paykunaqa chayllapis rumiyarqusqaku, kunankamapas qucha hichpanpi qawakunraq. Anaq pacha unanchaqsi runapa sunqunta tupuyta munaspan, wakcha runaman tukuspan kay allpakunata watukusqa. Hinaspa mana allin sunqu runakuna kasqankurayku quchaman tikrarqachisqa, chaymi kunan pacha Chuqlluqucha sutiyuq.

32