Página — Lenguas Originarias PRIMARIA (pág. 35)

Inkakunapa munaychakusqanpi yachaykuna hapisqanchik

achay tarisqanchikta manam sapallanchikchu qispichirqanchik,kayqa achkan suyupi kaq yuyaqkunapa yachachisqantam mirachikurqanchik. Inkakunawan awqanakuypi kasqanchik qipantam,suyunchikman mitmaq runakunata churamuwarqanchik, chayqa achkan ruray yachaqkunata aylluntinta suyunchikman apamurqaku. Chay mitmaqkunam yachayninkuta ayllunchikman maqchirimuq,yachasqanchiktañataq paykunapas huk suyukunaman purispan riqsichiqku.

Chayraykum antisuyu allpankunapi inkapa rurasqanku kastata achkata tarinchik. Manam wasikuna

rurayllachu paykunapaqqa karqa, sañukunapas riqsisqa rikchayniyuqmi karqa. Chaypim qirukunata,puyñukunata riqsisqallata ruraqku chay yachaykunatapas qipawarqanchikmi. Awaykunatapas sumaq ruraytam inkakunaqa yachaqku kunankamapas chuspakunata, unkukunata, hukkunatapas awanchikraq. Hinaspataq inkakunaqa quri qullqi huk qillaykunatawan chulluchiyta yacharqaku,chaykunawanñataq sumaqta achalakuqku.

Yachaykunaqa sumaqtaqmi karqa, yachay wasipim warmakunaqa yachaykunata hapiqku. Chaywanñataq imapas rurasqankuna kamaslla qispikuq, chaypim ñawray yupata yachachiqku, kawsaykuna mikuypaq, hampipaq, wañuypaq kayninkunamanta.

33