Página — Lenguas Originarias PRIMARIA (pág. 40)

Mirachisqanpim uywakuna, uwihakuna, kawallukuna, kuchikunapas kan. Pachamanta hurquna sachakunawan, hinaspa mama qillay minapi llamkaykunawan ima tinkusqanpim.

Nawpamanta awaykuna rurasqanku; Chupqakunapa awayninkunam achka yachayniyuq.Warmikunam kaspi, simipi ruwanakunawan, kallwawanpas awanku; qarikunaqa telar nisqanwan awanku, siraq makinawanpas llamkanku. Telarqa kullumanta, iskay, tawa, suqta sarunawan rurasqam, sayayninman pallayninmanhina rurasqam. Iskay saruna telarwan qatakuna, baytakunata

awanku; tawa suqta sarunawan llikllakunata, rakta patayuq achka chiruyuq sumaqchasqa pullukunata.Qaytukuna pampapi takarpukuna hawanpi allwisqam. Kallwaqa wiqawpi harkachispa awanam,huknintaqa sayachisqa kullumanmi watana.

Kamaqninkuna chukata, kallwa,illawa, qarpu, ruqiy tuquruwan kaqkunam, chaywanmi tiquychata mana tukuq awaychakunata qispichinchik.Llañu qaytu allwisqawanmi chumpita, watanakunata achka Ilimpi chiruyuqkunata ruranku,chaypim puytukuna, quchakuna,huk rikchaq awaywan mana qispinmanchu.

Kaspi ruwanawan awasqa chakituqa sumaqmi, mana sasa tinkisqallapi, mana sirayniyuq suqushina kanku, wakinqa kichasqa makitu, sikiyuq chullu, luqu, chakitu, chuspakuna kantaqmi. Crochet nisqa simpikunawan wallqakunata, chalinakunata tumpa raku qaytuwan kichasqa pampallata awanku.Siraq makinawan qarikuna rurasqan wakin pachakunapim qawakun chupqapa ruray yachasqanku,kaymi luylus unku, punchu llikllakunapas riqsisqa pallayniyuq. Sumaq churasqankum sintakunawan,wachuchasqa, chirukunawan sirasqa.


38