Página — Lenguas Originarias PRIMARIA (pág. 43)

Kay evangelio iñiymi raymikunapi ima ruraykunapi llumpay rahu upyaymanta, mana chaqwapi kanankurayku harkarqa, Taytachapi, anti iñiykunapas kachkanraqmi ayllukunapiqa. Chaykunatam Chupqakunapa haywarikuy, anqusakuyninpipas qawarinchik. Hinaña kasqanpipas Chupqa runa aylluqa muyuriqninpi kawsaqkunamanta manam rakikunchu aswanmi rimanakuypi, qunakuyninkupi umallankupi kachkan.

Manaraq Chupqaman Cristo chayamusqanpacha rurasqankunaqa manaraqmi chinkachisqachu.Paykuna tiqsi muyupi kaq unanchaqkunapa kallpanta suyasqan hinalla runakunapiqa kawsan.Chayqa kawsaq apukunapa, wamani urqukunapa, mamapachapa umanchasqanraqmi kawsanku.Qapaq unanchaqkunatam rimapayanku, qayakunku, kunakunku allinninkupaq misachikuspa,haywarikuspa.

Qullananku apukunaqa, Qaparinawan Cobreminaqa, llapan urqukunamanta aswa suni wichaykunam, paykunapaqmi raymichakuspa akchikunkum hinaspa haywarikunku, wata muyuy kawsay uyway raymikunapi. Uywa raymikunapiqa anqusukunatam, haywarikuykunatam apukunaman Pachamamamanpas churanku, uywankupaq waqaychaqninta, yanapakuyninta mañakuspanku. Hina kay kasta rurasqakunataqmi tarpuypi, kawsay huqariypaqpas rurasqa kanku.Hinallataq kasqan rurakun huk llamkaykunapaq ruraykunapaq, antipi unanchakuqkunamanta yanapakuynin tarinapaq rurasqanchikkuna.

41