Página — Lenguas Originarias PRIMARIA (pág. 36)

Uywakunamanta imatapas paqarichiyta, manam aycha mikunallapaqchu, aswan hampipaq,llamkanakunapaqpas churasqa. Llapan muyuriqninpi kaqkunatam sumaq kawsaypaq ruraqku,chaykunata tawantin suyukunapi yachachiqkutaq.

Anqara suyupi inkapa saqisqankuna maykunapi kasqan

Inkakunapa rurasqanku qawasqanchik; inkakunapa rurasqantam achkata qawanchik: wasikuna tiqsiypi, qullqakuna, tampukuna, pata patapi tarpuykunata, intipa quyllurkunapa purinan qawariy wasikunatapas. Kaymanta achkam llaqtakunapi sumaq tiqsisqanku wasikunata rikunchik.

Anqara suyupi Waytara,Uchkus Inka ñan, Larya,hinalla hukkunapipas. Qapaq ñankuna allichaypi, kanmi achka ñankuna, sallqapi,yunkapi, chalapi, qichwapipas mastarisqanku. Sunikama allin purinapaq sumaq kallkichasqa,mana yaku quchakunanpaq chumayniyuq, wichayman pata patayuq, qaqakunapipas rumiwan harkachisqa. Qiswa chakakunapas ichuwan,paqpa waskawan, qiswapa mallkinkunawan simpasqakuna Karqataq.

Hatun ñankunaqa karumantapas siqilla risqanta qawakun. Mana chaypiqa ancha muyukuna kanchu, manataq sasa purinaqa.

Iskayman pallqachasqa chaskikuna mana tinkunankupaq, llamakunapas mana harkanakunanpaq rurasqa. Inkakunaqa awaypipas kusatam utkuwan millwawan ruraykunapi yachachiwarqanchik.Raymikuna apamusqanku; Inkakuna achkam raymikunata churawarqanchik, Aya marqay mallkikunapa punchawnin, musuq wata chaskiy, Inti raymi, hinalla hukkunapas pacha muyuypi kasqanmanhina churasqata yachachiwarqanchik.


34