Página — Lenguas Originarias PRIMARIA (pág. 41)

Llimpikuna, tullpuqkuna; pachapi kasqan llimpiwanmi millwata tullpuqku. Kunanqa huk rikchaq nina llimpikunata, sumaqchana pinikunatapas hapinkuñam kayqa manam chukukunapi utaq makitupipas qawakunchu. Nina rikchaq llimpiyuq qaytukunatam hapinku. Uywa millwaqa yanamanta, qusni,yuraqmam rin. Paqu millwamantaqa qatakuna, llikllakunatam ruranku. Llimpiwanqa millwata chawpi pachakama kachiwan utaq lipi rumiwan hapinanpaq timpuchinku, chayta hawa punchawkama chakichinku. Yana llimpitam imillay papamanta hurqunku, chaywanmi awaypa mana kutinanpaq tullpunku. Qullpa allpañataqmi quñi yakuwan chulluchisqa, millwata chumpi niraqkunaman tikrachiyta atin chayqa wikuñapa, nuhal rikchayninman tullpun, chayqa mayna hayka pacha timpuchisqanmanta suyan

Chupqakunapa rayminkuna

Kullu wantuy; kayqa, llamkay raymim, chaypim llaqtapi kamachiy wasikunapaq qirukukunata astanku. Warayuq kamachikuqkunapa rurachikusqankum, llapan raymikunamanta kuraq rurayninkunam. Kay llamkay raymitaqa Chupqa ayllunkunapa llallinakuypi rurasqankum. Chaypim sumaq kawsaypi kasqankumanta, yanantin tinkuypi kasqankutapas riqsichikunku.

Huk raymikuna; Chupqakunaqa wata muyuypi ruraykunata pachachasqataña uywanku. Kayqa ñawpamanta yachachisqam hinaspapas kunanpacha huk kawsaymanta apamusqankunawanpas kawsankuñam. Chaypi taqrusqakama pukllay, uywa raymi, chukcha rutuy, marqariy, wañuchikuy,chakmay, hukkunapas kachkan. Hinataqmi kachkantaq ayllupa ruranan yachasqanku,chaykunataqa ruranku mana kawsay uyway pachakunapim, chayqa churasqa. Qachwaqa llamkay raymitaqmi, kaytaqa takiwan tusuywanmi chaki kawsaykuna huqarinapaq ruranku.Kaypiqa kuskanchakuypaq maqta sipaskuna riqsinakunku chaynam aylluqa qispimun. Mana kuskachaqniyuq kaqkunallam qachwanku. Wakin sayasqakunaqa takispa hayllikuspallam yanapakunku. Rurayninpim kuyanakuy qispimun chaywan kuskachakunapaq riqsichikuy, manam pukllaychu aswan allin qullana kasqankutam qawachikunku.

39