Página — Lenguas Originarias SECUNDARIA (pág. 134)

Unay watamantañam, 1997 watapi, anta sitwa killa tukuyta kaqmanta "tayta intipa'"rayminta qallarichisqaku, Piru suyupa punchawninwan tupachispa. Kay raymis lliw Wanuku suyupi lliwpa riqsisqan, lliwpa qawanan kachkan,yaqa inti raymiwanhinaraq, chaymansi hawa llaqtakunamantapas qawaq rinku. Chaynallataqsi kay Wanuku Pampataqa lliw hawamanta Waskaran qawaq hamuqkuna, chayanku imayna kasqan,imapaq rurasqa kasqan qawaq.

Huk riqsisqa kay Wanuku Pampapi tiyaqsi kasqa Felipe Waman Puma de Ayala, payqa kasqa tayta Marin Waman Mallkipa churinsi kasqa, mama Juana Uqllu quyapa wawan, paykunaqa Apu Yaru Willkapa churinkunas kasqaku, Qusqupiinka Tupaq Yupankipa willkankuna. Payqa Wanuku Pampata saqispas Aya Kuchu suyuman ripusqa chaypi tiyanapaq, chaypi achka allpankuna,chakrankunapas kasqa, chaytas kamachikuq Rivero, ispañulkuna chayamuptin qichupusqaku.Chupaspis kasqa chay allpankunaqa, chayta qichuptinku unay kihapi kasqaku hinaptinsi Aya Kuchu llaqtamantapas qarqusqaku, chaynapis Lukanas ayllukunapa tiyasqanman ripusqa,Suntuntu llaqtapis takyakusqa.

132