Página — Lenguas Originarias SECUNDARIA (pág. 30)

Wasinmanmi machuqa tumpa llakisqa kutin,chaypi churinkunawan allinta rimanakusqaku,mana ima kaptinpas mancharisqa kanankupaq hinaspa Akilinutapas kunamusqa yachachiqnin kasqanrayku. Akilinuqa kay yachaymanta sullka yachapakuqniymi karqa，chaymiyanapawananpaq mañakurqani, allinmi nisqankumanta taytakuqa qipisapallaña hallariy kichkachinta apamuspan chayarqamuwan: - tayta Milchu kayqaya kutirqamuni, minkakusqallaymanchiki riysiwanki,ichaqa ilmakunatam rantipakamusaq?, lliw kapuqnintach willawanki chaymanhina allinta haywarikunanchikpaq,chaypi ñuqanchikpas yayakunawan kuska kusi kananchikpaq - nispan mañawan, ñuqaqa:- Punkupim Machu hañachu harkapakun, chaypaqa puka llamputa, kuka muruyuqta, sara upitutawan qarananchik, kanchapi tusuqninkunapaq, ñawin aqata, kuka kintuta,pitanayuqta, wanchuy kañatawan qukunanchik;sirinapaqñataqmi, chalamanta apamusqa chunka iskayniyuq kuskata pallarta, purututa, quri hawinkapa murunta, pasasta, iskaykama piskuta, miski winuta,qichwamanta tawan qarway sara kaspantin, puka rawilwan waytachisqata, sara wiñapu upita, llama wirata, utaq kaptinqa wikuñamantapas kanmantaq,tawa quwipa sunquchan yawarchantinta iskay matikunapirakisqata mikunanpaq; yunkamantaqa churakunanchik kintunkuna akllasqata,

®