Página — Lenguas Originarias 5 años (pág. 200)

Atuqmantawan uwihamantawan pukllasunchik

Imayna llamkanapaq

Kay pukllaypiqa warmi, qari warmakunam pukllanku.Uwihamantawan atuqmantawan

Pukllaynin.

( Pukllay)

*Warmakuna waskillawan muyuta ruraspa ukunman churakunqaku, kanchapi uwiha tukuspa.

*Allquñataq kancha punkupi puñunqa, hinaspa atuq hamuptin, anyakunqa.

Atuqñataq, kanchamanta karupi puñunqa.

*Uwihakunaqa takistin tapunqa: atuq imata rurachkanki nispa.

Tapusqanmanhina, atuqqa kutichinqa:

rikchapakuchkanim, hatarichkaninam, mayllakuchkanim,pachakuchkanim, hamuchkani mikuqniki nispa.

Uwihakunaqa,atuq hamuptin, kanchanmanta lluqsispa ayqinqaku, atuqñataq qatikachanqa huk uña hapinankama.

Taki.

Puñusun kanchapi, atuq mana kaypi kanankama.

Maytaq, maytaq waska chupa atuq, maytaq maytaq sunka chuñu atuq.

中iAtuq imata rurachkanki? Atuqqa kutichinqa:rikchapakuchkani nispa. Kaqmanta takinqaku.

Puñusun kanchapi, atuq mana kaypi kanankama.

Atuqpa uwiha hapisqanta siqispa willakuy.

Maytaq, maytaq waska chupa atuq, maytaq maytaq sunka chuñu atuq.

iAtuq imata rurachkanki? Atuqqa kutichinqa:hatarichkaninam nispa.

Kaqmanta takinqa, kaqmanta tapunqa.

Pukllayqa tukunqa, atuq huk uñata hapispa wasinman kutikuptin, uwihakunañataq atuqmanta lluptispa chiqirquptin.

Yachachiq tapun.

-iImapitaq pukllarqanchik?

iAtuq chayarqamuptin, kanchapi uwihakuna imatataq rurarqaku?

iAtuq uwihata hapirqunmanchu karqa?

iMayqan uñatataq atuq hapirqunman karqa?,iImanasqa?

iUwihakuna maymantaq ayqinmanku karqa?

i Mana uywakuna kaptin imatataq atuq mikunman?

Maytupa nisqanmanhina rurasunchik.

Llapallanku pukllanku.

iMaypim ruranku?

Yachay wasipa pampanpi.

iImakunawantaq ruranku?

Waskillawan mana chayqa qaytuwan.

198