Página — Lenguas Originarias PRIMARIA (pág. 18)

Wasikunapas sumaq purina ñankunawan siqichasqapim tiyaq, manam chaqwapichu qispichirqaku,rurarqakutaqmi, qullqakunata, tampukunata, awqamanta amachakuy pukarakunata.Kaykunaqa sumaq purina ñanwan siqichasqapim tiyaq, manam chaqwapichu qispichirqaku,rurarqaku qullqakunata, tampukunata, awqamanta amachakuy pukarakunata. Kawsay mirachina rumiwan harkasqa patapatakuna karqataqmi. Rumita llaqllaspa hawanpi chirukunata siqirqaku kawsayninku riqsichinankupaq chayta Petroglifo nisqawan riqsinchik. Riqsirqakutaq llinka mituwan sañukuna rurayta sutillam riqsisqa, karqam qirukuna, matikuna, puyñukuna, sumaq siqi chirukunawan sumaqchasqakuna.

Awaytapas kusatam utkumanta, millwamanta yacharqaku. Allwisqankupi sumaq chirukunata churaqku, millwa tullpuytapas mana kutiqta llimpichaqku, chaykunawan sumaqta pachakuqku.Chaykunawantaq ayankutapas sumaq wankusqata pampaqku. Warikuna wiñay wañuypiqa manam iñirqakuchu, chaymi ayanku huk pachaman ripunanpaq, mana ismunanpaq runa kayninta hampiqku. Allin pachawan churachispa, imapas kawsaypi rurasqana llamkanakunawan kuskata pampaqku. Mallkinkunatapas sumaqtam waqaychaqku watan wata aya marqaypi purichinankupaq.Warikunaqa qillay chuqikunawan, chulluchispa, takaspa, mastarichispa, llaspayachispa Illamkaytapas yacharqakum. Quriwan, antawan, chaqrusqa antawanpas llamkarqakum,chaykunawan tupukunata, tipakunata, saynatakunata, hukkunatapas ruraqku.

Warikunaqa manam Tiyaqwanaku ayllukunamanta yachayta tarirqaku hinataq hukkunamantapas,chaykunata mirachispa allinninpaq rurayman churarqaku.

/>>>>>>>>>>>>

16