Página — Multiples Lenguajes 2° Primaria (pág. 244)

Netosa brajkinbebajyaata kita'nutje netotuwi

Versión Bot'una (matlatzinca)

Tjema'tata ma'xiki kakja'ru, kajtanjo'jue netomju katan jeti mu'neto tuwi.

Neto turwi karontubaati ne'sa chji nro'jeabi bot'umanje karijyooti.

T'enji kikjuentujewi katapi'jeabi nSan Pedro.Nech'ajmu tanjo'jue rromaani ropajtu majmujpeki ci nrit', pexkatuyeje ne pexkatuyojkje kajrri'xeni.

Menebe'tekubi ne towaa netoru ijbot'umaani kamantuwi ro'rit'e pukjanji katanro'ya netotuwi.

Nemaach'ajmu rontujuaxti ntet twi, netowaa rontewi:

jA San Pedro a San Juan!

Gerardo Hernandez Soto, EsTDo DE MExica

Webexoki mekuyenchowi mekuyenchowi bechutata chjinetotuwi mekarontuts'ijti puromantuwi nerit'eixkaromantekua'ts'inesa'chjirontoturwi karamae'ya para xitaromanke'mji para tarorejewi.

ljbot'umaje mekaront'ewi mekarontewi bakaputarijtachi nerit'e oyanetotuwi ximoron tuwi. Chjinxeni mekarimjejxuti chjinesa pekaro eya.

Chijipe'chji chjamukjuente wi chjinerit'e katuja'fue karonke mji netosa, ka'kjebi rukjue'nawi nkiruyojkjebi nerit'e,nkarukju'et ewi nSan Pedro tarijyoti bot'u jeabi rukjuebetini neto tuwi parakitarorebaati netosa.